Khuarel chhiatnaa thawhdun dan dap

Khuarel chhiatnaa thawhdun dan dap
Disaster Management & Rehabilitation minister Prof. Lalnilawma leh Mizoram Earthmover Owners’ Union (MEOU) hruaitute chuan khuarel chhiatna a lo thlen changa department nen thawh dunna tha zawk an neih theih dan tur sawiin Ningani khan an thukhawm.
MEOU hruaitute chuan khuarel chhiatna kaihhnawiha mamawh khawl leh hmanrua chi hrang hrang – excavator, drilling machine leh thildang, kimchang taka an neih thu leh operator-te pawh an neih vek thu an sawi a. Chhiatna a lo thlen changa chhawmdawl hna thawk turin an member zing amite ngei hmang thin tura sawrkar an duh thu an sawi.
Minister chuan thawh dunna tha neih chu thil pawimawh tak a ni, tiin, MEOU member list leh an contact number chu district tina bawrhsap-te hnenah thawn chhuah nise, a ti a. Khuarel chhiatna kaihhnawihah MEOU member-te chu a theih chin chinah sawrkarin hman zel an tum tur thu a sawi a ni.