Khumlaizawla mi tichak thei chaw

Khumlaizawla mi tichak thei chaw
Bedroom-a nupa nun hmanna kawnga mi tiphura, mi tichak thei chi hrang hrang kan rawn tarlang zauh zauh tawh a, tun tum chu a danglam deuh. Kan nupa bedroom nun a zuai deuh a nih a, boruak chawh nun thar leh kan duh a nih chuan ei leh in lama bedroom-a mi tiphur thei hi kan thlan thiam a pawimawh ta a ni. Times of India-in ‘sex foods’ tia a tarlan zinga mi te kan rawn chhawp chhuak e.
1. Thakthing hi nupa nuna hmanna kawnga mi tichaka tiphur thei tak mai a ni. Thakthing hian kan sex drive a tipung thei a, a bikin mipa tan a thawk chak lehzual. I coffee in turah te khan thakthing tlem han pawlh zeuh la, chu chuan bedroom-ah nghawng a nei maithei.
2. Mai (pumpkin) hi Mizo ten kan thlai thar zingah a tam pawl tak a ni. Mithiam ten zirchianna an neih atanga an hmuh danin mai hi hmeichhiat mipatna lama mi tichak thei niin an sawi. Mai rim (pumpkin scent) hian mipain hmeichhia a melhno zual tir thei a, mipain hmeichhia a mamawhna level a tisang thei a, mipain hmeichhia a hmuh duhawm theihna level a tisang thei.
3. Fig an ti a, keinin theipui kan ti, he thei hi energy kan hmuh theihna chaw tha tak a ni a, Cleopatra pawh khan a favourite niin an sawi. Superfood an ti a, nupa nun hmanna kawngah mi chawkphur thei, kan mood ti romantic thei a ni. Theipui chu regular taka ei chuan mipat hmeichhiatna lama harsatna chi hrang hrang mipa serh khawng tha thei lo (erectile dysfunction) nei tan pawh chaw tha a ni.
4. Chocolate hi a romantic kan ti deuh theuh a, ngaihzawng te present-ah pawh kan hmang fo. A tui satliah mai a ni lo antioxidant a pai hnem a, chu chu lung (heart) tan a tha. Kan taksaa min tihlimtu hormone a tichhuak hnem a, chu chu bedroom lama thil tangkai tak a ni.