King Charles-a car hlui lilam dawn

King Charles-a car hlui lilam dawn
King Charles car hlui, 2018 Jaguar I-Pace EV400 chu Historic Auctioneers chuan March ni 2-ah an lilam dawn. He electric car hian pawimawhna tak a neih pakhat chu King Charles-a car hlui a nih mai piah lamah British Royal Family car zinga electric car hmasa ber a ni.
He car hi King Charles pawhin a hmang rim ve viau a, a mimal thilah a hmang deuh ber a, Queen Camilla nena len khawthawn nan pawh an hmang nual tawh a ni. He car hi Loire Blue rawng niin, a original chu gray niin, King Charles hian a duh zawng rawngin a thlak tir a ni.
Jaguar I-Pace EV400 hi dual-motor all-wheel drive niin, 394 bhp leh 696 Nm torque pechhuak thei a ni a, 90 kWh battery pack neiin, a battery charge full-in km 446 a thui a tlan thei.
He car hi September 2018 khan King Charles hian a lei fel a, British Royal Family-in electric car an neih hmasak ber a ni, central London-a an official residence, Clarence House-ah dah thin a ni a, km 4800 vel a tlan hnuah December 2021 khan Jaguar hnenah an dah let a, chumi hnuah midang hnenah an hralh chhawng leh tawh a, tunah chuan he SUV hi km 40,000 chuang a tlan tawh.
He SUV hi pound 55,000 atanga pound 70,000 (Rs 57,50,000 – 73,30,000 vel) vela hralh theih an inbeisei.