King Charles III kum 75 tlin champha lawmnaah Harry leh Meghan an sawm ve lo

London chhuak Sunday Times-in Duke leh Duchess of Sussex Harry leh Meghan Markle te chu King Charles III pianchampha vawi 75 lawmnaah sawm an ni nain, Harry hi birthday lawmnaah hian a tel thei dawn lo niin an tarlang a, hei hi Harry leh Meghan te hian an ngawihbo pui theilo a, King Charles III pianchampha vawi 75 lawmna turah hian sawm an ni ve lo hrim hrim niin an sawi ve thung.
Harry leh Meghan te thuouangtu chuan November ni 14-ah King Charles III pianchampha vawi 75-na lawmna turah hian sawmna an dawng lo hrim hrim niin thuchhuah siamin a tarlang a, “Sunday Times-in thil hrechiang loa thu an chhuah ngawt mai hi a dik lo hle a ni,” a ti bawk.
Harry hian a inpuanna lehkha ‘Spare’ a tihchhuah hnuah lal chhungkua nena an inkar a chhe zual niin report a awm a, he lehkhabuah hian Harry hian a u Prince William nena an inkar pawh a chhuah chhe viau a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More