Kneecap-in ‘Kill Your MPs’ tih tawngkam avangin thupha chawi
Northern Irish hip-hop trio Kneecap chuan November 2023-a an member pakhatin stage-a a thusawi avangin thupha an chawi a, an group hi London Metropolitan Police ten an chhui zui thu an puang ve nghal bawk.
November 2023-a London-a show an neih laiin, stage-ah an member pakhat chuan, “Tory tha awm chhun chu mitthi an ni mai. In local MP that rawh u,” a ti mauh pek a. Hetihlai hi Conservative Party, Tories an tih bawk te sorkar lai a ni.
He video clip hi tunhnaiah a rawn darh thar a, ka liamta lawk khan an group hian Hamas leh Hezbollah an support thu video clip a darh tawh bawk a, Hamas leh Hezbollah te hi UK sorkarin terrorist zinga a telh lai an ni nghe nghe.
Hetiang boruak a awm thar leh takah cuan Metropolitan Police thupuangtu chuan, “An video chungchang hi April ni 22 khan kan hre tawh a, November 2024 a mi tawh niin kan hria a, counter-terrorism lamin an enfiah ang a, chumi hnuah kal zel dan tur a chiang ang. November 2023 a mi ni a hriat video pawh kan hre tawh e,” a ti.
Labour MP David Taylor leh Scotland First Minister John Swinney te chuan hetiang boruak nei Kneecap chu festival hrang hranga an performance neih tur cancel turin hma an la zui ve ta nghal bawk a ni.
Kneecap member- Liam Óg Ó Hannaidh, Naoise Ó Cairealláin leh beat-maker JJ Ó Dochartaigh te chuan Hamas leh Hezbollah an support bakah British MP te chunga tharum thawh duhna chawk chhuak thei zawnga mi fuihpawrh a puhna chungchang-ah an thiamthu sawiin, “Hamas emaw Hezbollah emaw hi kan support a, kan la support ngai hek lo. Civil mite beihna zawng zawng hi kan dem vek a ni. Hei hi kan ram history atangin midang zawng aiin kan hrechiang zawk. MP te emaw mimal tu emaw chunga tharum thawh tura mifang fuiha puhna pawh chutiang a awm lo. A awm ngai lo. Footage eng emaw lai te la chhuakin, tum nei ranin hmanruaa an hmang a ni,” an ti ve thung.
Kneecap-in ‘Kill Your MPs’ tih \awngkam avangin thupha chawi
Get real time updates directly on you device, subscribe now.
Prev Post
Next Post