Knicks in Celtics an lehthal

Thawhleh zing khan NBA conference semi-final khelh tan a ni a, inkhel hmuhnawm takah New York Knicks chuan champion lai Boston Celtics lehthalin hnehna pawimawh tak an chang. Inkhel dangah Denver Nuggets in Oklahoma City Thunder an hneh ve bawk.
Champion lai Celtics hian an mualah bul an tan tha a, quarter hmasa berah point khatin an chungnung nghal. Quarter hnihnaah khel tha lehzualin point 15 ngawtin an chungnung zui leh a, point 16 zeta chungnung zawk chungin chawlhlawk an hmang.
Chawlhlawk hnu lamah inkhel a hmuhnawm chhunzawm viau a, chak let tuma Knicks tan khawh a hmuhnawm hle. Chawlhlawk hmaa hnufual zawk Knicks hi quarter thumnaah an khel tha viau a, point sarihin an chungnung. Quarter thumnaah hnufual mah se Celtics hmahruaina a la chhah tawk viau a, chak turin an dinhmun a tha hle. Chak theihna hun tha tak nei bawk mah se Celtics hi quarter hnuhnung berah an che hleithei meuh lova point 16 chiah an thawkchhuak. Point 16 chiah an thawhchhuah laiin an khingpui ten point 25 an thawkchhuak ta bawk si nen hun pangngaiah point 100 ve ve an thawkchhuak a, chak zawk an awm thei lo.
Hun pangngaiah chak zawk an awm theih loh vangin overtime khelh chhunzawm a ni a, overtime-ah hian Knicks in point 8 lai an thawhchhuah laiin Celtics in point 5 chauh an thawkchhuak ve thung a. New York Knicks chuan inlehthalna lian thlentirin champion lai Boston Celtics chu point 108-105 in an hneh a, Quarter linaah point sarihin an chungin zui ta mai a. A khingpuite hi point hniha lehpel chiah chiahin, point 121-119 in hnehna an chang a, inlehthalna lian an thlentir a, Eastern Conference semi-final thawhkhatnaah hnehna an chang.
Celtics an hneh tum hian New York Knicks tan Jalen Brunson leh OG Anunoby ten point 29 ve ve an thawkchhuak a, an chetha dun hle.
Thawhleh zinga inkhel ngaihven hlawhtak; Western Conference semi-final thawhkhatnaah Oklahoma City Thuder in Denver Nuggets chu point 121-119 in an hneh.
Thunder hian an mikhual Nugget lakah bul an tan tha a, quarter khatnaah point khatin an chungnung. Quarter hnihnaah an khel tha lehzual a, point kua ngawtin an chungnung zui leh a, point 10 a hmahruai chungin chawlhlawk an hmang.
Chawlhlawk hnu lamah hnehna chan let ngei tumin Nuggets in an khingpuite an nawr na viau a, mualneitu an lehthal teuh viau bawk. Quarter thumna leh linaah chungnung ve ve mah se point hnihin Nuggets hian an khingpuite an lehthal zo lova, uiawm takin an tlawm zui ta a ni.
Thuder laka an tlawm tum hian Nuggets tan Nikola Jokic a khel tha viau a, point 42 zet a thawhchhuah bakah ball sawhlet vawi 22 a dawng a, assist vawi 6 a nei tling bawk. Hetihlai hian Thunder tana point thawkchhuak hnem ber Shai Gilgeous-Alexander chuan point 33 a thawkchhuak a, ball sawhlet vawi 10 a dawn tlin bakah assist vawi riat a nei tling bawk.