Kochi bomb puaka thi 4 tling tawh

October ni 26-a Improvised Explosive Device (IED) bomb puaka thi te chu Thawhtanni khan pali an tlin tawh thu leh hliam tuar te dinhmun pawhin ziaawm lam a la pan lutuk loh thu dawn a ni.
Ernakulam-a District officials te chuan he vanduaina thleng avanga enkawl mek Moly Joy, kum 61 mi chu a finfiah tawhin a taksa zaa 80 chu a kan vek thu sawiin Kochi bul lawk Kalamassery-a Kristian te tawngtai laia bomb puak avanga hliam tuar a ni. Hospital hrang hranga enkawl damlo 19 zingah damlo 11 te chu ICU-ah enkawl an la ni.
October 26-a bomb tih puah a nih hnu darkar engemawzat ah Jehova’s Witnesses member pakhat Dominic Martin inti chuan police hnenah kalin pawikhawihna chu ama tih a nih leh mawh a phurh thu a sawi a. Police-te chuan Dominic-a thil sawi hi an finfiah in thil thlen dan te chiang takin an zir chiang a, man a nih dan pawh chiang takin an record a ni. Martin hi Section 16(1)A of the Unlawful Activities (Prevention) Act (UAPA), section 302 leh 307 of the Indian Penal Code (IPC) and the Explosive Act hmangin man a ni. Thawhtanni khan Police te chuan Ernakulam district sessions court-ah thu zawh fiah zel tur atan Martin-a hi lo kawl rih turin dilna an siam a ni. Kar hmasa khan Martin hi a Ernakulam-a a chenna ah hruai a ni a, hetah hian bomb tih puah nana IED leh a hmanrua te a siam thu a sawi a ni.