Kohhrana inhmang zingah rilru lam natna nei an tam

Kohhrana inhmang leh rawngbawltu zingah pawh rilru lam harsatna neite puih ngai an tam thin hle tih heti lama thawktu Zawmsanga Sailo chuan a sawi.
Daniel’s Chamber dintu Zawmsanga Sailo sawi danin, rilru lama harsatna neite puiin he rawngbawlna hi midang tan kum 15 chuang a lo hmang tawh nia sawiin, pastor leh missionary thlenga a lo enkawl tawh thin thu te, amah pantu zingah kohhran leh kohhran thalaia theihtawp chhuaha inhmang thinte zingah harsatna tawk an tam thu te a sawi.
Depression leh anxiety nei mi tam takin an lo dampui tawh thin tih sawiin, a rawngbawlna bakah a eizawnna a ni tih a sawi a. Pathianin a kohna a thlak avangin he a rawngbawlna hi Zoram mipuiin nasa lehzuala an dampui theihna turin a puang chhuak tih a sawi. A rawngbawlna hi zau lehzuala a hman theih chuan Zorama nun hreawm tam takten an tawrh loh phah tur thu a sawi a. A Pathian thu sawi thin leh thupui “Rilru Pathian Thu” tih chu midangin an sawi ve ngai loh thu leh a enkawl tawhte pawhin an sawi chhuah thiam loh thin thu sawiin, rawngbawltu tam takin an lo dampui tawh tih a sawi a ni.