Kolasib district-a kawngpui thawmthat tawh dan thlirlet

Kolasib district-a kawngpui
thawmthat tawh dan thlirlet
National Highway 306 & 06 thawmthat mek chungchangah chak zawka hna a kal theih dan tur ngaihtuahin Kolasib district bawrhsap Robert C Lalhmangaiha kaihhruaiin Thawhlehni khan an thukhawm.
Sawrkar hotute hmalakna azarah four lane highway hna tan mai theihloh chhan hrang hrang tihfel a nih tawh avangin hna tan thuai beisei a ni a, kawng siam chhung hun a duh rei dawn avangin tuna an kawng hman mek, Mizoram chak lakluhna ber chu thawmthat a pawimawh a ni, tiin, ruahtui tlak hmaa chak taka hna an thawh a ngai tih a sawi a ni.
NHIDCL hnuaia contractor-ten an hnathawh dan tlangpui an report a. BR Goyal Construction company chuan Mualkhang leh Khamrang inkarah km.4 black topping an zo tawh a; maintenance hna kalpui chhunzawm zel a ni. An kawng siamnaah hian Committee ngen angin Silchar leh rampawn lam lung chang tha hman a ni.
Balaji Construction Company-in Vairengte leh Bilkhawthlir inkar black topping an tan tawh a. Vairengte -Bilkhawthlir leh Kolasib -Kawnpui inkar thawmthat hna chu kumin March 31 hmaa zawh an inbeisei. Mizoram PWD-in Bilkhawthlir leh Kolasib inkar pothole leh khuar dang hnawh mam hna an kalpui mek a. Kawnpui leh Khamrang inkar pawh kalpui thawmthat mek a ni. Tuihawk luankawr leh pothole dang thenkhat siamna tur estimate thehluh a ni a, hotute thu ngaihchan mek a ni.
NGO leh JAC aiawhten kawng tha neih thuai a nih theihnan sawrkar thawhpui zawm zel an inhuam tih an sawi a. Hemi denchhen hian kawng endik hna, monitoring kalpui thin pawh chhunzawm nise, tia rel a ni.