GIG Motors All Mizoram Inter Village Football Championship 2024 khelh mek chu December ni 9, Thawhtanni khan semi-final khelh a ni a. Inkhel hmasa zawkah champion tura rinkai Kolasib Jt VC chuan 3-1 a Melbuk VC hnehin final an lut. Kolasib Jt VC hian final-ah Tlangnuam leh Ramhlun North te inkhela chak zawk zawk an hmachhawn zui leh ang.
Inelna neih meka khel tha, champion tura rinkai ber ni phak hial tawh Kolasib Jt VC hian champhai District a ball thiam khua Melbuk VC lakah bul an tan tha viau a. Inkhel tan atanga minute lina lekah Isaak Malsawmkima chuan William-a leh Paul-a thawhrah sengin hmahruaina goal a thun. Hma takah goal an thun vangin phurna sang zawk nen an inlan a, Melbuk lakah inrintawkna sang tak nen an inlan chhunzawmin chawlhlawk hmain goal dang an thun belh leh. Chawlhlawk dawn hnaih minute 40-naah PC Pazawna chuan an goal hnihna a thun a, si hnih faia hmahruai chungin chawlhlawk an hmang.
Chawlhlawk hnu lamah inkhel a hmuhnawm chhunzawm a, goal a luh belh theih loh reng hnuin hun tawp dawn hnaihah goal hnih a luh belh. Si hnih a hmahruai tawh Kolasib Jt VC tan tan RM Zothansanga chuan an goal thumna thunin an chakna a nem nghet. Goal thum an chhuah atanga minute khat hnu lekah Ephraim Lalremtluanga goal thun hmangin an si phurh sut then bawk mah se Melbuk in an si phurh an sut zo thei lo. Penalty shoot-out ah vawi hnih vannei tawh Melbuk chuan Kolasib Jt VC an paltlang thei ta lo va, final lut zo lovin an tla zui ta a ni.
Semi-final hnuhnung zawk hi thawhtan zan dar 7;00 khan khelh tan niin, Tlangnuam leh Ramhlun North te an intum a, result kan tarlang hman lo..
Kolasib Jt VC Inter Village final an lut
Get real time updates directly on you device, subscribe now.
Prev Post
Next Post