Kolkata police commissioner thar Manoj Kumar Verma

West Bengal Chief Minister Mamata Banerjee chuan thawhlehni zana an meeting thuchhuak angin, Kolkata police commissioner thar atan Manoj Kumar Verma an ruat thu a sawi.
Doctor zirlai boral thubuai kal zelah Kolkata police te demna leh hminghluaina zawnga thu thehdarh a tam hle a, India ram pumpui fanchhuakin, hei hian an party politics thlenga a nghawng zel avangin Mamata hian nimin khan Manoj Kumar Verma hi ruat thar a nih thu a sawi a, Vineet Goyal a thlak dawn a ni.
Verma hi IPS 1998 batch ami niin, additional director general (ADG) a ni tawh a, law and order kengkawngtu ber ni bawkin, West Bengal sorkar a hmingtha tak a ni bawk.
Thawhtannni khan Banerjee chuan doctor thihna kal zelah indemna leh inpuhmawh tawnna, police te rintawk lohna a len zel avangin Kolkata Police Commissioner ni lai Vineet Kumar Goyal chuan inhnuhdawhna a thehluh thu a sawi a, Commissioner hmingtha tak hnuaiah hian hmalam eng tak leh dikna dinchanna hun a awm ngei a beisei thu a lo sawi tawh a ni.