Kerela-ah Mpox vei nia rinhlelh

Kerela-ah Mpox vei nia rinhlelh hmuchhuak; damdawiinah dah luh niin, a sample endik tura thawn nghal a ni
Kerela a Malappuram district-ah Mpox vei ni ngei rin mipa, kum 38 a upa chu hmuchhuah niin, private hospital-ah endik nghal a ni a, anni hi Dubai atanga rawn haw hlim a ni.
Kerela medical lama thuneitute chuan enkawlna uluk tak hnuaia private hospital-a dah luh nghal a nih thu an sawi a, a thisen endik tura thawn mek niin, result an hriat thuai an beisei thu an sawi.
Kerela hian Mpox hri leng lakah hian ralkhel dar August atang khan an lo vaw tawh hrim hrim a, World Health Organisation (WHO) thuchhuah zulzuiin, Africa lam atanga lo haw leh kalte phei chu endikna ngawrh zawk an lo nei tawh bawk a ni.
Kerela health minister Veena George chuan an mi rinhlelh hi enkawlna tha tak hnuaia an dah thu sawiin, Dubai atanga lo haw hlim a nih thu a sawi a. Mpox symptoms neite awm dan an sawi ang chiah a neih thu leh a taksaa a lanchhuah thu sawiin, Manjeri sorkar hospital chuan uluk taka a enkawl dawn thu a sawi a. Mipuite tan lo chiaina tur a awm rih loh thu a sawi bawk.