KPop Demon Hunters chhunzawmna an siam leh dawn

KPop Demon Hunters chhunzawmna an siam leh dawn
HUNTR/X fans tan thu lawmawm a awm e, Netflix chuan an animated film hit zet mai, KPop Demon Hunters chu a chhunzawmna an siam dawn tih an puang a, Maggie Kang leh Chris Appelhans te chu script writer leh director an ni leh ang. He film hi Oscar nomination pawh pahnih a nei nghe nghe a ni.
March ni 12 khan KPop Demon Hunters chhunzawmna siam a nih tur thu hi an puang a, Maggie chuan Netflix Tudum interview-ah, “Korean film siamtu ka nih anga ka inchhuan ve theihna chu he Korean thawnthu leh kan Korean character te mipuiin an kham lo a, an duh belh hi a ni. Ka khawvel kan dinah hian thildang a la tam lutuk a chutiang chu rawn chhawp chhuah zel theih a ni dawn a ka phur hle a ni. Hei hi a bul tanna chauh a ni e,” a ti.
Chris pawhin, “Heng character-te hi kan tan chuan chhungkua ang mai kan ni a, an khawvel hi kan tan pawh khawvel pahnihna a ni. An bung thar kan keu ang a, music, animation leh thawnthu te an inthlun khawm theih dan kan tlir zel ang chu,” a ti ve bawk.
Netflix chuan KPop Demon Hunters chhunzawmna hi engtik a tlangzarh tur nge an la puang lo a, mahse, an rial rei lutuk lo chuan a rinawm. June 2025-a a film hi Netflix-a an tihchhuah tan atang khan vawi maktaduai 500 chuang en a hlawh tawh a, Critics Choice Awards leh Golden Globes-ah te Best Animated Feature leh Best Original Song a dawng tawh bawk.