KTP inkhawmpui mobile app siam

KTP General Conference 2026 chu Saitualah neih a ni dawn a, Inrinni khan Saitual Prebyterian Kohhran Centenary Hall-ah he conference puala mobile application siam chu tlangzarh a ni.
He mobile app hi Siruk Consultancy-in inkhawmpui puala a siam a ni a. KTP General Conference mikhual thlenna tur counter dinhmun hrang hrang, lirthei veivah dan tur kalhmang, inkhawmpui hun ruatna, thil bo leh chhar bakah lehkha kal chhuak dah a nih bakah inkhawmpui thlengtu chanchin dah a ni.
Organising Committee chuan a thlawna mobile app siamsaktu Siruk Consultancy chungah lawmthu an sawi a. Kohhran thalaiten tangkai taka an hman theihnan duhsakna an hlan a ni.
Mizoram-a kohhran lian ber Presbyterian Kohhran thalai inkhawmpui hi a vawi 65-na tur a ni a, kumin February 26 atanga March 1 chhung hian Saitual Public Playground-ah neih a ni ang.