Sorkar kum kal lai 2024-25 hi March ni 31-a tawp tur a ni a, hemi kumah hian khualzin nuai 3 chuangin Mizoram an tlawh tawh.
2024 April ni 1 atanga December ni 31 thleng khan Mizoramah khualzin (tourist) 363069 an zin tawh a, January, February leh March thlatea zin nen phei chuan 2024-25 hi khualzin tam kum a tling ang.
Kum kal laia khualzinte hi domestic tourist mi 359036 leh foreign tourist mi 4033 an ni a, hei hi thla kaw chhunga mi a ni. Chuti chung chuan a hma kum a khum tawh. December-ah an tam ber a, domestic tourist 59132 leh foreign tourist 980, an vaiin mi 60112 an awm.
Kum hmasa 2023-24 khan domestic tourist 215230 leh foreign tourist 3884, an vaiin mi 2,19,117 an awm a, 2024-25 thla kaw chhunga mi aiin hei hi a tlem.
2020-21 khan Mizorama khualzin zin zawng zawng chu mi 20567 an ni a, hei hi Covid-19 hrilen lai kha a ni. 2021-22-ah pawh hri a la leng tho na a, khualzin zat hi 1,32,616-ah a pung dawrh. 2022-23-ah mi 2,22,008 an ni.
Kualzin nuai 3 chuangin Mizoram tlawh tawh
Get real time updates directly on you device, subscribe now.