Kuhva kaltlang tir khap

Khawzawl district magistrate chuan an district kaltlanga dan loa kuhva phurh luh a khap.
Hemi chungchanga thupek a tihchhuahah district bawrhsap ni bawk chuan, Khawzawl district-ah kuhva rah tawlhruk, dan loa phurh luh a tawp theih nan thupek hmanhmawh taka chhuah tula a hriat thu a sawi a. Danin thuneihna a pek angin, an district chhungah kuhva rah tawlh ruk dan loa phurh luh khap a ni, tiin, an district-ah dan loa kuhva rah tawlh ruk phurtute hnen atangin danin a phut ang ni lo sumfai lak a khap bakah kuhva rah tawlh ruk dah khawmna tur kudam sak a khap bawk.
He khapna thupek zawm lote chu dan hmanga hrem theih an ni tih a sawi a. Thupek hi tih danglam a nih loh chuan thupek chhuah ni atanga thla hnih chhung a huam dawn tih a sawi a ni.
Mizoram Sorkar Home Department atanga lehkha kan hmuh angin Kuhva ro (Dry areca nuts) hi dan ang ni lova lakluh khap tlat a ni a. Hnahthial District chhungah dan ang ni lova lakluh a nih loh nan a hnuaia tarlan ang hian khuahkhirhna thupek chhuah a tula hriat a ni.
Hetiang bawk hian Hnahthial district magistrate chuan an district huamchhunga dan ang niloa kuhva ro lakluh leh phurh phal a nih lohna thu hi a chhuah bawk.