Kuhva man

July 23 zing dar 3.00 vel khan Hachhek Bial Kuhva Chingtu Pawl (HBKCP) volunteer-te chuan Tuidam leh Tumpanglui inkarah Aizawl to Guwahati service maxi cab pahnih atangin kuhva ro bag 22 an man. Kuhva an manna maxi cab khalhtu hi Lalrama (37), Ngur khua Champhai district leh Lalnunchhara (37) Mualpui Aizawl nia inchhal an ni. Hachhek bialah hian HBKCP hmalakna in Zamuangah dan loa kuhva rah kaltlangpui tum enfiahna atan police check gate siam a ni a. Hei hi Tuidam lam atanga helin Tripura lama luhthlakpui theih a nih avangin, helai kawng hi an hman tel thin nia sawi a ni.