Kuhva phun belh zel kan thlawp Bana Kaih Scheme-ah a dil theih: – Chief minister

Mizoram sawrkar chuan kuhva phun belh zel tha a ti a, Bana Kaih Scheme leh CM Special Package hnuaiah pawh dil theih a ni tih chief minister Lalduhoma chuan a sawi. Kolasib district Buhchangphaia SSB Agro-in kuhva sawngbawlna khawl a bun chu Zirtawpni khan chief minister hian a hawng a. Sawrkar chhinchhiah danin Mizoramah kuhva huan hectare 30000 vela zau a awm mek a, kum 2024- 2025 chhung khan state puma kuhva tharchhuah zat chu quintal nuai hnih vel nia chhut niin, eizawnna ngelnghet leh hlawk tak a nih avangin sawrkar chuan kuhva phun belh zel a thlawp a, Bana Kaih Scheme leh CM Special Package hnuaiah dilna thehluh theih a ni, tiin a sawi.
Vanduaithlak takin kum 2021 vel atang khan Mizoram kuhva chu a tam hriin a man a, kung tam tak kan chan phah tih a sawi a. Central Plantation Crops Research Institute scientist-te hmuh dan chuan, kuhva kung hrisel loh chhan ber hi tui tlakchham (water stress) vang leh leitha tlakchham vang niah an ngai a. Hei vang hian kuhva huan uluk taka kan enkawla kan duat a tul a, tuihna humhalh kawngah pawh than harh a hun hle tih a sawi a ni.
“Kum thum kum li kalta vel atang khan dan loa kuhva ro tawlhruk a nasat avangin kuhva chingtuten a hralhnaah harsatna an tawk nasa a. Kan sawrkar ve leh Home minister kaihhruaiin ruihhlo leh kuhva tawlhruk hi theihtawp chhuahin kan do a. Kan man nasaa, a dahna kan nei seng loa, magistrate-ten a tihralna an ngaihtuah zawk a ni. Tihrem vek har deuh mah se, kan thawk tha tih tilangtu chu kuhva chingtuten an hralh that ber kum an thleng ta hial,” Lalduhoma hian a ti.
A ruka tawlh do rualin, kan ram chhungah a sawngbawlna neih tul an ti a. Mimal emaw company emaw hma la thei tur an dap a. Sawrkarin hma a la bawk a, Chemphaiah leh Zamuangah cheng vaibelchhe 7.43 sengin a