Kuhva tawlhruk veng dawn

Dan loa ramdang kuhva phurte endik turin Hachhek biala kuhva chingtute chu an sensoin an duty tan leh dawn.
Ningani khan Zamuangah duty hawnna inkhawm neih a ni a. Kuhva tawlh thinte pawh Hachhek bial kawng lama kal lo turin an ngen. Hachhek Bial Kuhva Chingtu Pawl (HBKCP) chairman Kanan Lalhlimawma chuan sawrkar an do loa, sawrkar hmalaknaah an lawm tih sawiin, “Kan eizawnna ber kuhva hralh kawnga harsatna min siamtu ramdang atanga dan loa kuhva tawlhruk dang turin theihtawp kan chhuah dawn a ni,” a ti.
HBKCP hruaitute chuan, tun tum duty hi khaw hrang hrang a inchhawka duty tur a ni a, kuhva chingtuten tlawmngaih chhuah a, mahni insengsoin, chawfun nen an thawk chhuak dawn tih an sawi a ni.