Kuki Inpi-in Amit Shah hnenah lungawi lohna thlen

Kuki mipui zawng zawng aiawhtu Kuki Inpi Manipur (KIM) te chuan Manipur police commando pawl pakhatin Moreh Sub-Divisional Hospital-a damdawi leh damdawi hmanrua dahna Store Room leh Almirah-te an tichhia tih sawiin, an lungawi lohna hrang hrangte chu Home Minister, Amit Shah hnenah an thlen.
Remna leh muanna a awm theih nan a Moreh-ah Manipur state sipaite dah an nih laiin, buaina an thlen nasa zawk hle tih an sawi a. Inthliarhranna awm lova inkah, inrikrap, taksa leh tawngkam hmanga tihduhdahna-te chu thil nihphung a ni tawh tih an sawi a. Hmeichhia leh naupang ten inrintawk lohna leh hlauhna in an rilru a luah khat tih sawiin, Moreh khawpui ah nasa taka sipai dah a nih chuan, state sipaite hlauvin Kuki mite harsatna tawkte chu an thenawm khaw hrang hrangah an tlanchhe nasa zua hle dawn tih an sawi bawk.
Manipur police commando-te’n Kuki-te chunga tihduhdahna leh dan bawhchhiatna nasa tak chu Ministry of Home Affairs, Govt. of India ram a ni tih sawiin, an lungawi lohna, ngenna leh thil phut chungchangah sorkarin a ngaihsak lohna leh a thiam lohna a lang chiang hle tih an sawi a. Tun thlenga hmalakna mumal tak leh siamthatna tur tha tak la awm lo chu mak an tih thu leh a lungchhiatthlak thu an sawi.
India ramin zalenna a hmuh hnua ‘state’ pakhatin a mipuite laka tlang taka indona a neihna ang leh hnam inkara tharum thawhna hi a la hmu lo tih record-a dah chu a lungchhiatthlak hle tih an sawi a. Thla sarih chuang zet Kuki hnam tlem zawkte au thawm leh hrehawm tawrhnate hmachhawn leh siamthatna kawnga Central-in hma a lak loh leh ngaihsak loh avangin Kuki mite chu India ram mi tlem zawk, constitutional leh democratic rights dawng tlak lo leh Manipur state machinery, Meitei helho leh an pawl radical-te phurrit hmachhawn tura anmahni chauha awm an ni em tih zawh hi a remchang hle tih an sawi a.
Manipur police commando-te dah luh vang chauha lo chhuak, leh a rah chhuah hmanga thuneihna hmansual avanga lo awmte ngaihtuah in Kuki Inpui Manipur chuan rinna nghet tak nena inrawlh vat turin a hnuaia mite hi a phut tih an sawi.
1. Moreh atanga state sipai zawng zawng (a bik takin Manipur Police Commando) te chu rang tak leh thuhnuairawlh taka lakchhuah/koh kir nghal.
2. Manipur Police Commando mite chu an thil tihsual avanga dan anga thubuai siamsak.
3. Mr. H. Dinesh Singh chu police commando te nen an inrawlh avangin thubuai siamsak.
4. State force zawng zawng viz., police commando, Manipur Rifles leh Indian Reserve Battalion te Identity Verification neih.
5. Moreh Sub-Divisional atanga damdawi hmanraw chhia leh rukbo zawng zawng dah thar leh
Damdawi in thar.
6. All-Meitei state forces a bik takin Police commando te aiah Manipur Rifles leh Indian Reserve Battalion atanga Kuki security mi leh sa te chu Kuki police officer sang tak takte enkawl leh kaihruai tur.
7. Moreh-ah Hospital tha ber ber din.
Moreh, Manipur-a remna leh muanna awm theihna tura inremna tha kan nghakhlel hle.