Kum 105-ah master degree dawng

Khawvel Indopui Pahnihna avangin a zirlai a chawlhsan a tul a, mahse, kum 83 hnuah, kum 105 mi niin Virginia ‘Ginger’ Hislop chuan chuan master degree a dawng ve leh ta hlawl mai. Zirna hian tlai luat a nei lo e.
Virginia hian Stanford University School of Education (tuna Stanford Graduate School of Education an tih tak) atangin 1940 khan bachelor’s degree (BA) a zo a, chumi hnu lawkah master degree neih tumin a bei zui nghal a. Mahse, World Ward II avangin a ngaihzawng George Hislop chu sipai-ah koh a ni a, a ngaihzawng chu sipaia a kal hma ngeia inneih an duh avangin, a final thesis a theh luh hma lawkin campus chhuahsanin pasal a nei ta a ni.
Hislop hi tunah chuan Washington-ah a cheng tawh a, zirna lamah inhmang chhunzawmin, Yakima School Board of Directors chair a ni a,, Yakima Community College board of directors founding member niin, Toppenish, Washington-a Heritage University bultanna tura tha thawhtu pawimawh tak niin, board-ah pawh kum 20 chhung a tel zui nghe nghe a ni.
Hislop hi Stanford a chhuahsan atanga kum 83 hnuah kir lehin, kum 105-ah a master degree an lo hlan ta a ni.
Hislop chuan, “He hna hi rei tak ka lo buaipui tawh a, ka hnathawhte min hriatpui a he degree min hlan hi ka lawm takzet a ni. A nghah chu ka nghak rei ve ngar ngar maw,” a ti.