Kum 111 chhunga Santos ‘relegate’ vawikhatna!

Brazil legend Pele club hlui Santos chu kum 111 chhung an club din tawh hnua a vawikhatna atan Brazilian top flight (Serie A) atangin an inhamtang zo lo a, sea-son tharah division hniam zawk an luah ang.
An league match hnuhnungberah Santos hian 1-2-in an mikhual Fortaleza an hneh lo a, an ‘relegate’ ta a ni.
Brazil rama an club hlawhtling leh hriat hlawh Santos hian state title 12, league title pa-ruk leh Copas Liberta-dores pahnih la tawhin, he’ng title zozaite hi an hun rangkachak an tih mai, kum 1950 leh 60 chhoa an lak a ni hlaw.
Santos hian nikuma kum 82 mi nia thi ta Pele bakah Brazil tana goal khung hnem ber ni mek Neymar an kawl tawh a; kum rei vak lo atang khan sum lamah harsat-na an tawk ta tlat a, an club din hmuna a vawikhatna atan divi-sion hniam zawkah an tlathla ta a ni.
Three-time World Cup-winner Pele club hlui Santor bakah hian America Mineiro, Coritiba leh Goias-te pawh an ‘relegate’ ve bawk.
Brazilian top flight zawh fel takah hian champion lai Palmeiras bawkin an title kawl lai an humhim leh a, an club chanchina league title 12 an lak tlinna chiah niin, an league match hnuhnungberah an chak zo bik lo a, Cruzeiro muala 1-1 draw nen season an khar.
Ti hian, Brazilian Serie A lama la ‘rele-gate’ ve ngai lo awm-chhun chu Flamengo leh Sao Paulo chiah an ni ta.