Kum 2025-ah ruihhlo avangin mipa 100 thi

Kum 2025-ah ruihhlo
avangin mipa 100 thi
Kum kalta khan Mizoramah ruihhlo avangin mi 118 an thi a, mipa 100 an ni.
The Aizawl Post issue hmasa lamah kum 2025-ah ruihhlo avangin mi 111 an thih thu tarlan a ni tawh a. Khatah khan December 30 & 31 vel a tel pha lo. Excise & Narcotics Department-in uluk zawka a lakkhawmnaah ruihhlo avanga nikum chhunga thi hi mi 118 an ni a, heng zinga 100 hi mipa niin, hmeichhia 18 an ni.
Kum 2025 chhung hian Excise & Narcotics Department chuan heroin kg. 45.341 an man a, methamphetamine kg. 298.973, crystal meth kg. 48.061, ganja kg. 226.607, opium kg. 1.193 bakah dan hnuaia siam, ruihna atana dan loa zawrh leh hralh zui tak damdawi mum leh tui engemawzat an man a ni.
Nikum chhung vek hian zu khapna dan hnuaiah rakzu litre 70178.607, zu bilh lai tin 138588, India siam a senchi (IMFL) a vaia teha litre 20968.495, Burma local – BEDC litre 3054.570 bakah beer, ramdang siam a senchi leh Korean zu – Soju engemawzat an man bawk.