Kum hmasa aiin nikumah heroin man tlem

Heroin a hluar a, nikumah pawh an man hnem. Excise sipaite’n heroin tam tak an man a, mahse 2024-a an man aiin a tlem.
Mizoram Excise & Narcotics (MEN) department-in 2025-ah khan heroin kg 35.779 an man a, heroin kg 35 chu tam tak a ni. Mahse 2025-a an man hi 2024-a an man aiin a tlem. 2024-ah khan kg kg 46.680 an man a ni.
Tun hnaiah heroin an man nasa a, kum khat chhunga an man zat pawh a pung nasa. 2022 hnua an man zat a tam thei hle.
2023-ah khan kg 76.058 an man a, 2023 hi an man tam ber kum a ni. A hma kum 2022-ah kg 33.418 an man a, 2022 hi a man tam ber kum a ni thin a, a kum lehah a aia tam an man leh nghal. 2024-a an man pawh kha a tam a, mahse 2023-a an man zat a tam em avangin a lang tlem mai thei a, 2025-a an man zat pawh hi 2023 hian a tilang tlem thei ang.
Kum liam taah khan MEN department hian ruihhlo vangin NDPS Act hmangin mi 864 an man a, case 493 an siam. Zu vangin MLP Act hmangin mi 5907 an man a, case 6465 an ziak lut. ME Act hmangin mi 277 an man a, case 321 an siam bawk.
MEN department hotute chuan heroin an manah hian engemaw zat chu Mizoram pawna mi tur a lo ni thin tih an sawi a, vawi khata tam thama an man phei chu hmun danga mi tur a ni tlangpui tih an sawi.
Tun hnaia heroin
man zat
Kum Heroin
2014-ah Kg 3.126
2015-ah Kg 4.088
2016-ah Kg 4.039
2017-ah Kg 6.186
2018-ah Kg 8.567
2019-ah Kg 12.596
2020-ah Kg 11.710
2021-ah Kg 18.906
2022-ah Kg 33.418
2023-ah Kg 76.058
2024-ah kg 46.680
2025-ah kg 35.779