Kum kaltaah vawkpui kah
rai atangin a note 18000+
PIGFED Ltd. hmalakna in kum kalta khan vawkpui kah rai atangin vawk note 18028 a awm a, a hlut zawng hi Rs. 12,61,96,000.00 a chhut a ni.
Mizoram Pig Producers’ Cooperative Federation (PIGFED) Ltd. chuan Zirtawpni khan annual general meeting vawi 30-na Aizawlah a hmang a, Cooperative Societies registrar John LT Sanga leh AH & Vety director Dr R Zothanmawii ten an hmanpui.
Cooperative Societies registrar chuan ASF leng vanga harsatna awm thin chu pawi a tih thu leh pumpelh harsat zia a hriatthiam thu a sawi. United Nations-in a pawimawhna hria in, kumin hi International Year of Cooperatives-ah a puang a, thupuiah “Cooperatives Build a Better World” tih a nih angin, thawhhona hmangin khawvel chu chhenfakawm zawka siam theih a ni tih a sawi a ni.
AH & Vety director chuan an department leh PIGFED Ltd. chu inngheng reng an ni a, phak tawka inpuibawm reng an ni tih sawiin, PIGFED Ltd. in harsatna a tawhte sukiang turin department-in tan a la tih a sawi.
PIGFED Ltd. annual report tarlan danin, kum 2024- 2025 chhungin artificial insemination technology hmanga vawk kah rai atanga vawkte piang 18028 a awm a, a hlut zawng hi Rs. 12,61,96,000.00 a chhut a ni. PIGFED Ltd. hnuaiah hian affiliated primary society 202 an awm a ni.
Kum kaltaah vawkpui kah rai atangin a note 18000+
Get real time updates directly on you device, subscribe now.