2022 April atanga kumin May thleng khan Aizawl Sahuan chu mi 63037-in an tlawh a, luh man atanga sum hmuh chu Rs 14,66,820 a ni.
Inrinni khan Environment, Forest & Climate Change Department chuan thuthar thehdarhtute Aizawl Sahuan dinhmun hi an enpui a. Wildlife hotute sawi danin, tunah hian Sahuan chhungah ramsa awmna tur hmun 29 siam a ni a, Mizorama awm ramsa leh Mizorama awm ve lo ramsa (exotic species) an nei a, exotic species chi hrang 49 an awm tawh. Keipui – Royal Bengal Tiger dah luh a nih hnu leh exotic ramsa an awm hnu hian tlawhtu an pun belh nasa tih an sawi.
Aizawl Zoological Park Sakawrtuichhun hi 2006 November 24-a hawn niin, enclosure 29, Breeding Centre (inthlahpunna atan bika hmun siam) 4 a awm. Sahuan hi a theih anga tih changtlun zel a ni a, Zoo Animal Exchange Program hnuaiah Central Zoo Authority phalna in state dangte nen ramsa lakluh leh pek chhuah thin a ni. Exotic species-ah phei chuan India ram sahuan danga vang em em, Cassowory bird, Patas monkey leh ramsa chi hrang hrang an awm nual tih sawi a ni.
EF&CC minister TJ Lalnuntluanga chuan Aizawl Sahuanah ramsa dah luh tur awm nual mah se, hmunhma zau zawk neih loh vangin dah luh mai a remchang thin loa, tunhnaiah Master Plan of Aizawl Zoological Park 2019- 2029 chu Central Zoo Authority-in tih hlawhtlin ve ngai awm chunga pawmpuina a pek thu sawiin, thawmthat leh cheibawl ngai cheibawl a, hmunhma zau zawk neih belh a nih hnu chuan sahuan changtlung tak a la ni chho dawn tih a sawi a ni.
Kum khat chhungin Aizawl Sahuan tlawhtu sing 6 chuang
Get real time updates directly on you device, subscribe now.
Prev Post