Kum nga chhungin doctor 296 la
Doctor lak tul tihna a awm thin a, sorkar hnaah doctor mamawh belh nia hria an awm. Sorkarin doctor lak belh se tih ngaihdan a awm thin.
Tun hnai kum nga chhungin Mizoram sorkarin doctor a la nual a, a nghet lova thawk tura lakte nen an vaiin mi 296 a la.
Doctor lakah hian a tam ber chu Zoram Medical College-a thawk tura lak an ni a, mi 296 zinga a zatve aia tam, mi 145 chu ZMC-a thawk tura lak an ni.
ZMC-a thawk tura 2021 hnua lakah hian a tam zawk chu contract basis-a thawk tura lak an ni a, mi 102 chu contract basis-a thawk tura lak niin, a ngheta (regular) thawk tur lak mi 43 an awm. Kum liam ta 2025-ah khan mi 30 lak an ni a, a ngheta thawk tur mi pali leh contract basis-a thawk tur mi 26 an ni.
National Health Mission hnuaia thawk tura lak mi 78 an awm a, AYUSH doctor mi 23 an awm bawk.
Mi 145 zingah hian specialist 15 leh super specialist pahnih an awm a, 2023-a lak, nephrology-a super specialist pakhat leh 2025-a lak cardiology-a super specialist pakhat an awm.
2021-2025 chhunga
doctor lak zat
8 Super Specialist 2
8 Specialist 15
8 General Duty Medical Officer 22
8 Dental Doctor 5
8 AYUSH Doctor 5
8 NHM hnuaiah MBBS 78
8 MUHCS hnuaia 5
8 ZMC-ah 145
8 MSHCS-ah 1