Kum ruk hnuah vantlang hmaah Bangladesh eptu hruaitu inlan

Bangladesh ram buainain reh lam a la pan hleih theih loh reng laiin eptu hruaitu Khaleda Zia chu kum ruk chhunga a tumkhat nan vantlang hmaah a inlan.
Hetihlai hian politics lama a khingpui Sheikh Hasina chu house arrest-a a awm hnuah paihthlak zui niin, India ramah a tlanchhe mek a ni.
Zia hi kum 2018 khan thiltih dik lo tak tak a nei nia sawi niin jail-ah dah a ni a, kumin August thla khan chhuah a ni.
Ningani khan Zia hi Armed Forces Day pual hun hmannaah inlanin, hei hi thiam loh chantir a nih hnuah vantlang hmaa a inlan leh hmasak ber a ni bawk.
Bangladesh-ah hian democracy tundin tuma nasa taka hmalak chhoh leh mek niin, sorkar lailawk kaihruaitu Muhummad Yunus kaihhruai chuan sorkar lailawk an siam mek a, Zia inlan hunah pawh hian Yunus chuan ding chunga lo hmuakin, an thu dun a, titi pahin thlate an la dun bawk a ni.