Kum thum hnuah Osaka champion ve leh ta!

Kum thum hnuah Osaka champion ve leh ta!
July 2023 hnu lama a vawikhatna atan Pathianni khan Naomi Osaka chuan WTA title a hlawhchhuak ve leh ta hram a, clay leilunga WTA 125 tournament L’Open 35 de Saint-Malo an tihah final-a a khingpui Slovenia player Kaja Juvan chu 6-1, 7-5-a hnehin, 2021 Australian Open title a lak hnua a trophy hmasakber a ni.
Kum 27-a upa Japanese player hian nu a nih hnuah tennis inelna a chawlhsan vang vang a, khelmuala a kirleh hnuah a champion hlei thei ta tlat lo a; nikum khan Grand Slam 2nd round a pel zo lo vek.
World No. 1 hlui hian kuminah hma a rawn sawn chho hret hret a, January thla Australian Open-ah third round thlengin, hliamin a tlakbuak a, a inhnukdawk leh rih a; tunthla tawp lama khelh tan tur French Open-ah hian main draw lamah hmuh tur a awm a beiseiawm.