Kumina Satwik-Chirag title hmasaber

World No. 1 Indian pair Satwiksairaj Rankireddy leh Chirag Shetty \angdun chuan kumin chhung atana an title hmasaber hlawhchhuakin Pathianni French Open badminton men’s doubles final-ah 21-11 21-17-in Chinese Taipei pair Lee Jhe-Huei leh Yang Po-Hsuan an hneh a, a \um hnihna atan Paris title an hawn.
Satwik-Chirag inkawp hi kum 2019 French Open-ah khan runners-up niin, kum 2022 khan a vawikhatna’n an champion a, kuminah an chhunzawm leh ta a ni.
Asian Games champion Satwik-Chirag hian Super 750 tournament title an sualchhuahna kawnga an tumpui Chinese Taipei piar hi minute 37 lek chhungin an tukdawl hman a; nikum khan a vawithumna atan French Open final hi lut mah se an champion zo lo a, kuminah kum bul \anna title atan an hmang zui ta a ni.
Indian pair hi kumin Malaysia Super 1000 leh India Super 750 final-ah an tlawm ve ve a, nikum khan China Masters Super 750 runners-up ni bawkin, Paris khawpuia hlawhtlinna an chan tak hnu hian chief coach Pullela Gopichand-a hnuaiah Paris Olympics gold awrh thei tura rinkai an ni.
Pathianni hnehna kha Indian pahnih tan Super 300 leh a chunglam chin tournament BWF World Tour title pasarih an lakna a ni tawh a, French Open hnehna tluantling an chan kawngah khan game khat mah an hloh lo nghe nghe.