Kuminah Ganja man hnem leh tawh
Kuminah thla ruk a liam tawh a, kum chanve chhungin ganja an man hnem hman hle. Ganja hi Mizoramah a hluar mek a, a ti thar pawh an pung nia sawi a ni.
Mizoram Excise & Narcotics (MEN) department-in kuminah June thla thlengin ganja hi kg 144.525 an man tawh.
2023-ah khan ganja hi a hluar tawh a, khami kumah khan MEN department hian kg 179.233 an man. Kumina thla ruk chhunga an manin 2023 kum tluana an man zat a thlau lutuk lo.
2022-ah kum tluanin kg 152.214 an man a, chu phei chu kumin kum chanve chhunga an manin a thlau lo lehzual. 2020-ah pawh ganja a hluar tawh a, kumin kum chanve chhunga an man zat aiin khami kum kum tluana an man (kg 127.449) kha a tlem zawk.
MEN department hotute chuan ganja hi Tripura leh Shillong aTanga a rawn luh thu an sawi a, Thalaiah ganja zu Thin an pun thu, thil sual ti-ah pawh inngai lova zu Thin an awm nawk thu te an sawi.
Tun hnai kum thum chhunga MEN department leh police te man zat a pung nasa a, nikum khan a pung zual. Kuminah a mar rih viau bawk a, MEN department leh police hotute chuan ganja hi do nasat a Tul thu, Thalaite zingah a That lohzia inzirtir a Tul thu te an sawi.
Kum MEN Police
2022 Kg 152.214 Kg 129.825
2023 Kg 179.233 Kg 112.943
2024 Kg 578.592 Kg 305.387