Kuminah Mizoram Police-in nuai 112 hu drugs man tawh

Mizoram Police chuan kumin chhungin ruihhlo cheng nuai 1112 hu an man tawh a, zu chi hrang hrang cheng nuai 289 hu an man tawh bawk.
Director general of police Mizoram Anil Shukla sawi danin, kumin January 1 atanga April 14 thleng khan The Narcotics Drugs & Psychotropic Substances Act 1985 hnuaiah case 106 an ziaklut tawh a, ruihhlo kawl leh tawlha inhnamhnawiha ngaih mi 134 an man tawh. Heng mite kut atang hian heroin, a vaiin kg. 50.085, ganja kg. 15.95 bakah methamphetamine kg. 27.277 an man tawh a, tualchhunga hralhna angin heng zawng zawng hlutna belhkhawm chu Rs. 11,12,33,512 a ni.
Hemi hun chhung vek hian zu kaihhnawihah case 136 an ziaklut tawh a, inhnamhnawiha ngaih mi 167 man an ni tawh. Rakzu litre 18135.5 bakah zu bilh lai litres 28225.5 an man tawh a; a senchi (IMFL) litres 5213.7, Burma zu – BEDC litres 105 leh foreign zu lotres 360 bakah beer litres 5168 an man tawh a, tualchhunga hralhna anga chhutin a vai hian Rs. 2,89,66,210 hu a ni.
Silai, a mu leh a kaihhnawih thil dang pawh engemawzat an man tawh a. ulhbun – SBBL gun 12 bore 4, DBBL dun 12 bore 5 leh a mu 12, silaimu .32 caliber 100, tualchher silai 10, .30 ammunition 25kf (30-06) mu 3000, M4 assault rifle 1 leh a mu 6, pistol (magazine telin) bakah scope an man nual tawh bawk. Heng thilah hian case 5 ziahluh niin, mi 5 man an ni.
Puakthei thil leh a kaihhnawih thahnem tak man a ni a. Gelatine, detonator, safety fuse leh a dangte niin, heng thilah hian thubuai 10 ziahluh a ni a, inhnamhnawiha ngaih mi 20 man an ni.