Kuminah ‘Red Bull Tlang Ruam event’
Tunkar tir Thawhlehni khan sports minister Lalnghinglova Hmar hoin Red Bull aiawhte nen kumin kumtawpa khawpui chhunga mountain bike intlansiak, ‘Red Bull Aizawl Tlang Ruam Event’ buatsaih tum chungchang sawiho a ni a, pawm fel nghal a ni.
He mi chungchang hi sports minister chuan a social media platform pakhat a facebook page lamah heti chian a tarchhuak:
“Urban downhill racing hi nikum October thla khan Aizawlah hlawhtling taka buatsaih a lo ni tawh a, India rama ‘urban downhill mountain biking event’ hmasa ber a ni nghe nghe.
“Khawvel mithmuhah Mizoram leh Mizote nasa takin min phochhuak a, media hrang hrang atangin mi maktaduai 80-100 bawrin an lo hre tura ngaih a ni. Kumina kalpui leh tum a ni hi lawmawm ka ti hle.
“Red Bull Tlang Ruam event hi lian zawka kalpui tum niin, a kawng (route) pawh thui zawk leh harsa zawka siam tum a ni.
“Intihsiak tur leh mentor tur pawh nikum aia tam zawk neih tum niin, live streaming ti tur pawh biak fel tawh a ni a; a hun atan November thla ruat chhin phawt a ni,” tiin.
Kuminah ‘Red Bull Tlang Ruam event’
Get real time updates directly on you device, subscribe now.
Prev Post