Kuminah ruah la sur lo

Ruah tui tamna Mizoramah ruah a sur lo rei ta; kuminah a la sur lo a, ruah sur hnuhnun ber pawh a rei ta fu mai.
Mizoramah chuan ruah hi kum tin a sur a, thal lai pawhin a sur thin. Nikum pawh khan thla tin a sur. Kumin erawh a la ro a, March thlaah pawh a la sur lo.
State Meteorological Centre enkawltute chuan kuminah ruah han tlak pheuh chu a awm tawh a, mahse ruah tih tham a ni lo a, teh tham a ni lo an ti.
Nikum December ni 22-a a sur hnuah ruah a la sur leh lo a, ni 60 chuang a sur tawh lo. Nikum khan ruah hmasa ber chu January ni 25-ah a sur.
2023-ah khan January leh February-ah ruah a sur lo tawh a, khami kuma ruah sur hmasak ber chu March ni 16 a ni. 2022-a ruah hnuhnung ber kha December ni 28-a mi a ni a, tun tum ai hian ai hian ruah sur loh chhung kha a rei hret.
State Meteorological Centre lam chuan khawchin thlirlawkna lamah ruah a sur ang tih a nih pawhin kumin hian a sur lo leh thin an ti a, a thlirlawkna lamah chuan a sur dawn tih a ni fo an ti. Tun hnai ni sarih chhung erawh a sur dawn lo tih a ni thung.
Kuminah January-ah ruah a sur lo a, Mizoram vawh ber thin thla ni mah se January-ah khaw vawt vin vur a awm lo.