Ruihhlovin kawng hrang hrangin Mizoram a tibuai a, nunna chan phah pawh kuminah mi paruk an awm tawh.
Mizoram Excise & Narcotics (MEN) department chhinchhiah danin, kuminah February ni 27 thleng khan mi parukin ruihhlo vangin nunna an chan tawh a, mipa panga leh hmeichhia pakhat an ni.
An zinga pathumte chu heroin vanga nunna chan an ni a, mi dang pathumte pawh heroin leh damdawi ruihhlo dang khawih pawlh an ni.
MEN department hian 1984-ah ruihhlo vanga nunna chan zat hi an chhinchhiah tan a, an chhinchhiah chinah ruihhlo vanga nunna chan zinga naupang ber chu kum 14 mi, a upa ber chu kum 58 mi a ni. Kumin bikah ruihhlo vanga nunna chante hi kum 31 leh 39 inkar an ni.
1984 hnuah ruihhlo vangin mi 1885, mipa 1658 leh hmeichhia 227-in nunna an chan tawh a, a tam ber mi 1161 chu spasmo proxyvon/parvon spas vanga nunna chan an ni. Heroin vangin mi 275-in nunna an chan tawh. Mi dang 449-te chu damdawi ruihhlo hrang hrang vanga vanduai an ni a, heroin leh spasmo proxyvon/parvon spas a tel deuh zel.
Spasmo proxyvon/parvon spas hi a chhuak tawh lo a, 2017 atangin he damdawi vanga nunna chan hi an awm tawh lo.
Kum liam ta 2024-ah khan ruihhlo vangin mi 67-in nunna an chan a, 2023-ah mi 76-in nunna an chan.
Kuminah ruihhlo vangin mi parukin nunna chan
Get real time updates directly on you device, subscribe now.
Prev Post