Kumin kumtir lama misual kut tuara thi nia hriat H. Chungnunga (91) chu tun thlengin mawhphurtu awm hriatchhuah la ni lo mah se, H Chungnunga document pawimawh chu October 3 khan Tuipui ‘D’ Reservoir-ah hmuh niin, police-ten a hmunah an enfiah tawh.
Thudawn danin, Tuipui ‘D’ khawchhunga tui enkawl tura Tuipui D WATSAN Committee-in a rawih chuan tunhnai khan Reservoir-ah hian saranga thil infun, tuia lang chu hmu in lensuah hmanga lak chhuah a tum chu a hawlh pil palh a, mipui hnena tui sem tur a nih avangin thil tenawm a nih hlauin Thawhlehni khan reservoir-a tui awm chu paihin saranga infun hi a paih chhuak a, hetih laia a bulhnaia awmte chuan lo enchiangin H Chungnunga document pawimawh – Adhaar card, Voter ID leh a dangte a ni tih an hre ta a ni.
Document an hmuhna hi Bangla tlanga Reservoir pathum zinga a laiah niin sarang hrang hrang pathumah a infun a, sarang pakhatah fun chhawn leh a ni.
Hnahthial Police-te chuan an enfiahnaah he tuizem chhunga vawmluh hun hi hriat theih ni lo mah se, a la rei lutuk lo maithei niin zawhna a chhang a. H Chungnung thihnaah hian mi 7 vel chu thu zawhfiah turin an ko tawh tih an sawi a ni.
H Chungnunga (91), Tuipui ‘D’ hi mahnia khawsa niin, kumin February 24 zing dar 7.30 vel khan a chenna inah thichhawnga hmuh a ni a, a tukhumah hliam na tak tuarin hmun 20 chuangah thui a nih bakah a hmai pawh a duk nasa hle nia sawi a ni. A hliam tuar lo hian a tuk February 25-ah a thi a ni.
Kut tuara thi nia ngaih document thenkhat chhar
Get real time updates directly on you device, subscribe now.
Prev Post
Next Post