Laboratory technician intuaithar

National Health Mission (NHM) Mizoram leh Regional Resource Centre for North East (RRC-NE) tangdun buatsaihin sawrkar hnuaia damdawi ina laboratory technician-te hmasawn lehzualnan ni hnih awh tur intuaithar a ni a, Ningani leh Zirtawpni awh tur a ni.
A ni khatnaah hian District Hospital leh Sub Divisional Hospital-a thawk lab technician-te tana tih a ni a. Vawiin – October 4 hi community health centre, primary health centre leh Upper PHC-a thawkte tana neih a ni leh ang.
RRC-NE director Dr Raj Prabha Moktan leh a team-ten an rawn hmanpui a. NHM FDSI (Free Diagnostics Service Initiative) state nodal officer Dr Mary Zohmingliani chuan sawrkar damdawi ina laboratory-in an endik theih hrang hrang leh a khawl chungchang a sawifiah a. ZMC-a Department of Pathology professor Dr Zothanmawii, Department of Biochemistry senior resident Dr Elizabeth Zothanmawii leh Department of Microbiology senior resident Dr Lalrinpari Sailo te chu resource person an ni.