Lady Gaga & Bruno Mars ‘Die With a Smile’ a la Hot ber

Lady Gaga & Bruno Mars
‘Die With a Smile’ a la Hot ber
Lady Gaga leh Bruno Mars hla hit ‘Die With a Smile’ chu Billboard Hot 100 (singles) chart-ah a No.1 a, he chart-a kar hnih a No.1-na a ni a, hetihrual hian Morgan Wallen ‘Smile’ pawh top 5-ah a invawrh kai thar ve leh ta bawk.
Lady Gaga hian Hot 100 chart-a No.1 kai thei hla paruk nei tawhin, Mars-a’n pakua a nei tawh a, Gaga hian 2000s, 2010s leh 2020s-ah te he chart-a hla pakhat aia tam theuh No.1 kai thei nei tawhin, hetiang tithei hi midang pahnih- Janet Jackson leh Michael Jackson te chiah an la awm.
Billboard Hot 100 chart hi kar khat chhunga US-a hla lar dan tehna niin, chart ranking siam nan hian all-genre US streaming (official audio leh official video), radio airplay leh sales data te chu tehna pawimawh a ni.
‘Die With a Smile’ hian radio airplay maktaduai 61.8 leh stream maktaduai 28 bakah sales 5,000 a la tling a, hei hi a kar hnih nan chart-ah a No.1 pui leh ta a ni.
He chart-a kar 19 No.1 ni thei, chart-a No.1 ni rei ber record nihrualtu Saboozey ‘A Bar Song (Tipsy)’ chu No.2-ah bawk awm lehin, Billie Eilish ‘Birds of a Feather’ pawh No.3-ah bawk a la awm.
Morgan Wallen ‘Smile’-in stream maktaduai 24.7, radio airplay maktaduai 2.7 leh sales 7,000 kaiin, No.27 atangin No.4-ah a invawr a, Wallen hla chart top 10-a lang thei 12-na a ni.
ROSE leh Bruno Mars ‘APT.’ chu No.5-ah bawk la awmin, chart No.1 hlui Teddy Swims ‘Lose Control’ chu No.4 atangin No.6-ah a tawlh a, Kendrick Lamar leh SZA ‘Luther’ chu No.7-a bawk la awmin, Gracie Abrams ‘That’s So True’ chu No.6 atangin No.8-ah a tawlh a, chart No.1 hlui Post Malone ‘I Had Some Help’ featuring Morgan Wallen chu No.8 atangin No.9-ah a tawlh a, Sabrina Carpenter ‘Espresso’ chu No.9 atangin No.10-ah a tawlh ta bawk.