Lady Gaga & Bruno Mars ‘Die With a Smile’ a lar be

On Mar 27, 2025 26 0

Lady Gaga & Bruno Mars ‘Die With a Smile’ a lar ber
Lady Gaga leh Bruno Mars hla hit ‘Die With a Smile’ chu kar khat chhunga khawvel huapa hla lar ber niin, Billboard Global 200 chart-ah a No.1 a, he chart-a kar 13 a No.1-na a ni ta. Hetihrual hian Playboi Carti pawhin chart top 10-ah hla hnih neiin, Chappell Roan ‘The Giver’ pawh top 10-ah a lang.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian official-onoy streams (subscription leh ad-supported audio leh video music services) leh download sales te chu tehna pawimawh a ni.
Lady Gaga leh Bruno Mars ‘Die With a Smile’ hian stream maktaduai 102.1 leh sales 8,000 a tling a, hei hi a kar 13 nan chart-ah a No.1 pui leh ta a ni. Kar 13 a No.1 takah chuan he chart-a No.1 nih reiah Miley Cyrus ‘Flowers’ nih rualin, pathumna a ni ta a, kar 19 No.1 thei Mariah Carey ‘All I Want for Christmas Is You’ leh kar 15 No.1 thei Harry Styles ‘As It Was’ te chiah a pha lo.
Chart No.1 hlui ROSE leh Bruno Mars ‘APT.’ chu No.2-ah bawk awm lehin, Doechii ‘Anxiety’ chu No.6 atangin No.3-ah a invawrh ve ta bawk.
Playboi Carti ‘Evil J0rdan’-in stream maktaduai 67.1 neiin No.4-ah a debut a, a hla dang ‘Rather Lie’ featuring The Weeknd pawhin stream maktaduai 54.1 neiin, No.6-ah a debut bawk. Heng hla pahnih te hi a No.1 album ‘MUSIC’-a hla ve ve an ni a, Carti hian he chart top 10-a lang thei hla paruk a nei tling ta a, The Weeknd tan a 15-na a ni bawk.
Chappell Roan country hla ‘The Giver’ pawhin stream maktaduai 40 leh sales 8,000 neiin, No.10 a ni a, he chart top 10-a a hla lang thei pahnihna a ni a, nikum September khan a hla ‘Good Luck, Babe!’ chu No.5 a lo kai tawh bawk.

Billboard Global 200 Top 10:
1 Die With A Smile – Lady Gaga & Bruno Mars
2 APT. – ROSE & Bruno Mars
3 Anxiety – Doechii
4 Evil J0rdan – Playboi Carti
5 Luther – Kendrick Lamar & SZA
6 Rather Lie – Playboi Carti & The Weeknd
7 like JENNIE – JENNIE
8 Not Like Us – Kendrick Lamar
9 Birds Of A Feather – Billie Eilish
10 The Giver – Chappell Roan