Lady Gaga & Bruno Mars ‘Die With a Smile’ a lar ber

Lady Gaga & Bruno Mars ‘Die With a Smile’ a lar ber
Lady Gaga leh Bruno Mars hla hit ‘Die With a Smile’ chu Billboard Global 200 chart-ah a No.1 a, he cart-a kar 11 a No.1-na a ni ta. Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga official-only stream (subscription leh ad-supported audio leh video music services) leh sales data te chu tehna pawimawh a ni.
Lady Gaga leh Bruno Mars ‘Die With a Smile’ hian kar khat chhungin stream maktaduai 112.4 neiin, sales 8,000 a la tling bawk a, tihian a kar 11-nan he chart-ah hian a No.1 ta a, The Kid LAROI leh Justin Bieber ‘Stay’ record nih rualin, he chart-a No.1 nih reiah pangana an ni dun ta a ni.
Billboard Global 200 chart-a No.1 ni rei ber Mariah Carey ‘All I Want for Christmas Is You’ niin, kar 19 a No.1 thei a, Harry Styles ‘As It Was’ (kar 15), Miley Cyrus ‘Flowers’ (kar 13) leh ROSE & Bruno Mars ‘APT.’ (kar 12) ten an dawt.
Billboard Global 200 chart top 5 hi kar kalta nen a danglam lo va, chart No.1 hlui ‘APT.’ chu No.2-ah bawk awm lehin, Kendrick Lamar leh SZA ‘Luther’ chu No.3 a la ni a, Lamar hla dang, chart No.1 pawh lo ni tawh ‘Not Like Us’ chu No.4-ah awm lehin, chart No.1 hlui bawk Billie Eilish ‘Birds of a Feather’ chu No.5-ah bawk a la awm.
Billboard Global 200 Top 10:
1 Die With A Smile – Lady Gaga & Bruno Mars
2 APT. – ROSE & Bruno Mars
3 Luther – Kendrick Lamar & SZA
4 Not Like Us – Kendrick Lamar
5 Birds Of A Feather – Billie Eilish
6 DTMF – Bad Bunny
7 Beautiful Things – Benson Boone
8 Messy – Lola Young
9 That’s So True – Gracie Abrams
10 Abracadabra – Lady Gaga