Lady Gaga & Bruno Mars ‘Die With a Smile’ a lar ber
Lady Gaga leh Bruno Mars ‘Die With a Smile’ chu kar khat chhunga khawvel huapa hla lar ber niin, Billboard Global 200 chart-ah a No.1 a, Jennie ‘Like Jennie’ leh Doechii ‘Anxiety’ te pawh top 10-ah an debut.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian official-only streams (subscription leh ad-supported audio leh video music services) leh download sales te chu tehna pawimawh a ni.
‘Die With a Smile’ hian stream maktaduai 116.9 leh sales 9,000 nei lehin, chart-ah a No.1 leh ta a, he chart-ah hian a zawn lovin kar 12 a No.1 tling ta a ni.
He chart-a kar 12 No.1 thei hla dang ROSE leh Bruno Mars ‘APT.’ chu No.2-ah bawk awm lehin, Kendrick Lamar leh SZA ‘Luther’ chu No.3-ah bawk a la awm a, Lamar hla dang, kar li chhung No.1 thei ‘Not Like Us’ chu No.4-ah bawk a la awm.
BLACKPINK member Jennie hla thar ‘like JENNIE’ chu stream maktaduai 68.4 leh sales 6,000 tlingin No.5-ah a debut a, solo artist anga he chart top 10-a hla lang thei palina a ni. BLACKPINK group angin chart top 10-a lang thei hla sang pali an nei tawh bawk. Jennie hi BLACKPINK member zingah solo artist anga he chart top 10-a lang thei hla ngah ber niin, an member dang LISA (3), ROSE (2) leh Jisoo (1) te pawhin solo angin top 10-a lang thei hla an nei theuh tawh bawk.
Doechii hla ‘Anxiety’ pawhin stream maktaduai 56.9 leh sales 9,000 neiin, No.6-ah lang a, Doechii hla he chart top 10-a lang thei hmasa ber a ni. He hla hi 2019-a a record tawh niin, 2023-ah Doechii hian a tichhuak a, tun hnaiah TikTok lamah a lar thar a, chu chuan chart-ah a rawn vawrh thar leh ta a ni.
Billboard Global 200 Top 10:
1 Die With A Smile – Lady Gaga & Bruno Mars
2 APT. – ROSE & Bruno Mars
3 Luther – Kendrick Lamar & SZA
4 Not Like Us – Kendrick Lamar
5 like JENNIE – JENNIE
6 Anxiety – Doechii
7 Birds Of A Feather – Billie Eilish
8 Abracadabra – Lady Gaga
9 Beautiful Things – Benson Boone
10 That’s So True – Gracie Abrams
Lady Gaga & Bruno Mars ‘Die With a Smile’ a lar ber
Get real time updates directly on you device, subscribe now.
Next Post