Lady Gaga leh Bruno Mars ‘Die With a Smile’ a la lar ber

Lady Gaga leh Bruno Mars hla hit ‘Die With a Smile’ chu kar khat chhunga khawvel huapa hla lar ber niin, Billboard Global 200 chart-ah a No.1 a, he chart-a kar nga a No.1-na a ni ta. He hla hi Gaga leh Mars te stand-alone single a ni. Gaga sawi takah chuan a album thar ‘Harlequin’ tun weekend kalta khan a tlangzarh bawk e.
Billboard Global 200 hi kar khat chhunga khawvel huapa hla lar dan tena niin, chart ranking siam nan hian ram hrang hrang 200 chuanga official-only stream (subscription leh ad-supported audio leh video music services) leh download sales te chu tehna pawimawh a ni.
‘Die With a Smile’ hian kar khat chhungin stream maktaduai 117.8 leh sales 9,000 a la nei thei a, hei hi chart-ah a kar nga nan a No.1 pui leh ta a ni. He hla hi Gaga leh Mars te tan an hla he chart-a No.1 kai thei hmasa ber a ni ve ve bawk.
He duet hian kar li chhung chu kar tin stream maktaduai 100 a la tling ziah a, kumin hla khawvel huapa kar li chhung kartin vawi maktaduai 100 stream kai ziah theih awm chhun a la ni a, Krismas hla ni loah phei chuan 2021-a The Kid Laroi leh Justin Bieber ‘Stay’ hnua hetiang zat stream kai thei hmasa ber a la ni
He chart-a kar thum No.1 thei, Billie Eilish ‘Birds of a Feather’ chu No.2-ah bawk a la awm a, Sabrina Carpenter-i’n chart top 10-ah hla pathum a nei leh thei a, he chart-a kar thum No.1 thei ‘Espresso’ chu No.4 atangin No.3-ah a insawn a, ‘Taste’ chu No.3 atangin No.4-ah a insawn a, chart No.1 hlui ‘Please Please Please’ chu No.6-ah bawk a la awm. Carpenter hi kumina he chart top 10-a a ruala hla pathum chin nei thei ngun ber a ni.
Billboard Global 200
Top 10:
1 Die With A Smile – Lady Gaga & Bruno Mars
2 Birds Of A Feather – Billie Eilish
3 Espresso – Sabrina Carpenter
4 Taste – Sabrina Carpenter
5 Good Luck, Babe! – Chappell Roan
6 Please Please Please – Sabrina Carpenter
7 A Bar Song (Tipsy) – Shaboozey
8 Beautiful Things – Benson Boone
9 The Emptiness Machine – Linkin Park
10 Si Antes Te Hubiera Conocido – Karol G