Lakhuihthei hi 19 century daih tawh khan Hawaii-ah chin tan a ni a. Mizoramah pawh kan thar chhuak ve nasa tawh hle a, man tlawm zawk a lei tur pawh a tam tawh hle a ni. Tun tumah hian Remsangpuii (RSP Dietetics)-in lakhuih thatna a rawn ziah hrang hrangte kan tarlang dawn a ni.
1. Lakhuih thei hmin lo ah hian thur (acid) a tamin a thatna pawh ala tlem hle a. A rawn hmin tan chiah hian thlum (sugar) a rawn tam tan a, a hmin that hian amah a thatna (nutritional components) rawn tam chho zelin ei hun tak a ni chiah a ni.
2. Lakhuih thei hmin tha tak hian 11% carbohydrates a pai a, a pai ber pawh thlum (sugar) niin, fat/protein erawh hmuh tur a awm lem lo a ni. Vitamin thenkhat heng – C,B leh B6 bakah folates a pai a tha em em a, minerals thenkhat manganese, copper, potassium, magnesium leh iron-te a pai a. Heng bakah hian lakhuih thei hi antacid tha tak a ni.
3. Lakhuih theiah hian Bromelin (Bromelain an ti bawk) awm in hei hi protein enzymes chikhat a ni a. Amino acid pe chhuakin chu chuan food industry thenkhat, sa atanga siam chi chiah nem nan te pawh an hmang thin a ni.
4. Sterility : Lakhuih thei ah hian manganese a tam avangin chi (reproductive cell) a ti chak a, hmeichhia leh mipa tan a tha em em a ni.
5. Stomach cancer : Lakhuih thei hian chaw dang hrang hrang atanga kan lakluh nitrosamines lo tudai tu niin, pumpui cancer lak atanga min vengtu tha tak a ni. Vitamin C tha tak a pai bawk avangin pumpui cancer risk sang tak tak zuk leh hmuam ti nasa ten a fresh a ei tam tur a ni.
6. Lakhuih thei hi thei hrisel tak niin, vitamin leh minerals a pai that avangin dessert tha tak digestion pe awlsam thei tu a ni a, chaw ei hma a ei hian pum a ti harh tha a ni.
7. Lakhuih thei hi chaw pai tawih muang (Hypochlorhydria) leh chaw pai tawih harsa ( Gastroptosis) ah te a that em avangin a fresh leh hmin tha ngei te hi chaw ei hma leh chaw ei kham a ei thin a tha.
8. Obesity : Lakhuih thei tui chaw ei hmaa in hian chaw pai tawih a ti awlsam a, weight loss duh tan pawh a tha hle a. Zunkawng a ti fai tha hle bawk a ni.
Lakhuihthei
Get real time updates directly on you device, subscribe now.
Prev Post