B. Lalthangliana
-- Advertisement --
Patea (1894 – 1950), a hming tak ‘Zaliana’ hi Tualteah a piang a, khaw hrang hrangah a awm na a, Khawbungah a awm rei ber bakah he khuaa a awm lai chauha hla a phuah avangin ‘Khawbung Patea’ tih kumkhua a ni a. Samthangah a lu a ph
|um khat thuhrila a zin chu Thekt> khua a thleng a, an lal Pu Thanga inah a innghat a. Ni khat chu ni tlak dawn ruai hian Thekt> chhak lama Lurh tlang tlak lam per chu ni tla tur hian a chhun fuh em em a, Tlaizawng par a vul chuk a. Pu Thanga kait>n chu a ke vei lamin a rap a, a thlir vang vang a, “Heng thing leh Tlaizawng parte hian ram an va mawi em! Lal pian hun tihlutu an ni, lung an va tileng ve ^w,” a ti vawng vawng a, Tichuan:
Lal pian hun pangpar a vul leh ta,
Thinlai mu hnu lunglen a kai tho ve;
Van hnuai mi hril Bethlehem tlang chungah,
Rinin thlain mi an thlawk kai.,
tih hla, Krismas laia kan sak nin theih loh hi a lo phuah ta a ni. He hla innghahna hi mi thenkhat chuan Tlangsam (Pholeng) emaw an tichawk a, mahse a ni lo. Lurh tlang leh a vela ram ngaw no nghual te leh Tlaizawng par vul chuk te chu Patea hian a hmu a, mawi a ti em em a, Pathian kutchhuak ropui takah chuan Pathian zia a hmu a, chung chuan a rilru ril bera awm chu he hla hian a puang chhuak ta a ni.
Chang 2-naah hian:
Ngaih a n^ e Bethlehem tlangpui,
Tlai ni tla >ng lenkawl a khum riai e.,
tih lai hi umzui hlek ila. ‘Bethlehem tlangpui’ tih hi tunlai hi chuan kan hmang tlanglawn viau a. Patea hi chuan kum 1940 hma lamah daih khan a hmangin a lang a, a hmang hmasa ber a ni mai thei e.
‘Khum riai’ tih hi thenkhat tan hriatthiam a har deuh mai thei e. Khawbung chhak lamah Puanvawrh tlang a awm a, a sang ve viau a. Tlai ni tla tur hian a chhun fuh thei hle a. Chu ram tauah chuan vau leh khaukhim leh fartuah te a han vul chuk chu tuar har ti ngial ngial an awm thin awm e. Chu Puanvawrh kham inkhawh thla tlur sung, a then hriam angreng tak chu, a pang lehlam N$in a chhun >n laiin leh lam chu a thim thluah thung a, a mawi thei em em a. Chu chu Khawbung Pastor hlun Rev. Langan a hmuh chuan, “Tun hma Sailam khuaa ka awm lai chuan Patean, ‘Tlai ni tla >ng lenkawl a khum riai e,’ tih hi ka hrethiam thin lo a, tunah zawng ka hrethiam ve ta,” a ti hial.
Patea hlate ngun taka zirtu pakhat Rev. Dr Rawsea chuan, “Sapho lunglengin ‘Blue Chirstmas’ an tih loh leh ‘White Christmas’ te an ti a; Patea erawh chuan ‘Green Christmas’ min hmantir thung a . . . Tunlai khawvel Krismas hman dan chuan khawvel rawng a kai nasa ta hle. Sumdawngte tana sumdawnna runpui a ni ta ber a; Krismas hunpuiah ngei pawh hian lunglen a inzep hlei thei ta lo. Patea erawh chuan sumdawnna bungraw thleng thar ni lo, Lalpa thil siam ropui Tlaizawng par atangin Krismas hunpui a hmuak a. Lurh tlang leh a vel rawn ngaw no nghual te, a tlang pang pera Tlaizawng par vul chuk te chu chung lam sana (watch)-in lal pian hun a rawn puanna nia ngaiin he hla hi a phuah a ni . . .” a lo ti hi a ngaihnawm hle.
Patea tuallenna Khawbungah kum 1940 – 1960 vela zaikhawm chungchang tawi tein i lo sawi teh ang.
Zai mite chu an inpun khawm a, a hriaten an pan khawm bawk a. A chang chuan khawnvar an chhi meuh lo, tapchhak mei >ng an duhtawk mai chang pawh a awm. Hla hriltu pawhin a tlar tin an sawi ngai lo a, ch^ng tin bul tlar khat an sawi chuan a tawk; mahni thinlung duhlai tak hla thu erawh tu pawhin lungrun fein an rawn sawi a, chu chuan zai boruak a tinung a ni.
An lunglenna sawi chhuahna hmanraw lar ber chu hla a ni a, chu chu zaikhawm hmangin tih ngheh a ni. Chutianga zaiho tak tak thinte chu an thlarau ram pawh a p^wnl^ng lo a, tawngtai an peih a, Pathian thu hril an dawngsawng tha a, an fun chhah nge nge thin. Krismas zaikhawmah te hian, an tui tak tak chuan, zaikhawm hla leh biak in hla pawh an thliar hrang lem lo, hla hlui leh un pui pui an sa a, Hmar hla chenin an hrut thin.
“Tun hma lamah kha chuan hetiang lunglen zai hi Khawbung khawtlang ze nghet tak (Culture) a ni thin a. Tun hnua ‘Tualchang Ral Zai’ an tih tak mi pawh hi Khawbung khua aia neitu bul zawk khaw dang an awm ka hre chuang lo,” Rev. Dr Lalsawma chuan a ti a ni.
Aw le, Patea Krismas hlate leh hla phuah thiam dang hlate nen kumin Krismas chu hlim takin, Mizo Culture dik tak ‘Zaikhawm hla’ tha tak takte hmanga hlim taka zai turin chhiartu zawng zawng te duhsakna sang ber ka hlan a che u.