Lalrina a champion

Mizoram Snooker & Billiards Association (MSBA) buatsaih Mizoram State Snooker Championship 2025 – 2026 chu March 2 – 7, 2026 chhung khan MSBA Hall, Hawla Indoor Stadium, Republic Vengthlang-ah khelh a ni a, Lalrina Renthlei a champion.
Final hi Match 7, Inrinni zan khan khelh a ni a, final-ah hian Lalrina Renthlei leh PB Liansangzuala te an intum a, inkhel hmuhnawm tak an entir. He inelna hi Race to 4 a khelh niin, PB-a’n frame la hmasain, 1 – 0 in hma a hruai a, a hnuah Lalrina’n rawn la vein, 1 – 1 an ni a, Rina’n frame a la zawn a, 2 – 1 a ni. Lalrina’n 2-1 a hma a hruai hnuin Pb-a’n frame khat a rawn la ve leh a, 2 – 2 a ni ve leh chiah a, champion tuma inum boruak a nung thar hle.
Frame hnih ve ve an lak hnuin Lalrina a langsar a, frame hnih la zawnin a khingpui PB Liansangzuala lakah 4-2 in hnehna a chang a, phu takin a champion zui ta a ni.