Lammuala inkhel entu ngah ber Mizo World Cup

Tahrik ni 19 – 2022, Vawkhniakzawn Thla, Thawhlehni a ni a, Sipai Lammualah football final ropui tak khelh a ni. Mizoram Football Association (MFA) te buatsaih khua leh veng te inelna LBS Suzuki All Inter Village Football Tournament 2022, final-a Champhai Kanan leh Sialhawk te inhmachhawn hi tualchhung football a boruak nei lian ber a ni a. Lammuala inkhel entu tam ber tum a ni bawk. He inelna hi a ropui >m av^ngin ‘Mizo World Cup’ tiin hriat zui a ni ta hial a ni.
Chawhnu dar 3:00 a final khelh tan tur ni mah se, chhun dar 12:00 a rik meuh chuan Lammual chhunga thutna tha zawng zawng chu mipuiin an luah khat vek tawh a. Lamlian kam tuakah Lammuala luh tumte thui takin an la intlar zui bawk. Inkhel en tum an tam em vangin traffic a Jam nasa tak zet a. Hmun lun laiah kawr pawl leh kawr var ha hmuh tur an awm zut a, chungte chu Sialhawk leh Champhai Kanan tantute an ni. Dar 3:00 a rik meuh chuan thutna zawng zawngah a bit thei ang berin mipui an inhnawh a. An inkarah hriau pawh a tla leng lo ang tih tur khawpa chepin an inhnawh khat vek. |hutna zawng zawng a khat a ni mai lova, ni danga thutna ni ngai hauh lo ke kawngah pawh mipui an thu khat tlat a. Mipui thutna leh khelmual inkara awl awm zawng zawng chu thutna a ni vek tawh a, zun ram thliar duh tan pawh kal hleitheih loh khawpin mipuiin an luah khat vek.
Lammual chhak lama mipui thutna leh khelmual inkara awl awm zawng zawngah mipui an ding khat vek a, a s^ng deuhin an hmu zau deuh a, a hniam deuhin an hmu zim deuh a ni mai a. Khelmual bul lawka awm chung sia khelmual hmu phak lo tam tak an awm bawk. Mi dar leh dar inkar atanga hmuh ve hram tuma dingdihlip tawk tawk an awm a. Chung lam atanga hmu ph^k lo, mi kap kara lu rawlha en tawk tawk an awm teuh bawk. Lammual leh a chhehvel zawng zawng chu lu hlir lu hlir a ni a, Lammual pawn, Zodin leiah pawh khaw khat run tham zet an ding tlim hmur bawk. Chutiang zozai mipui pungkhawmte chu ‘Mizo World Cup’ final en tura pungkhawm te an ni.
‘Mizo World Cup’ tia sawi zui tak ‘LBS Suzuki All Inter Village Football Tournament 2022’ final-ah hian Champhai Kanan chuan he inelna boruak nei lian ber leh mipui tan rawn Sialhawk chu si hnih faiin an hneh a. Final-a goal hnih hi he inelnaa top-scorer ni zui ta R. Ramdinthara (Tharpuia) thun ve ve a ni. Mizo World Cup final hi ram pum huap inelnaa Aizawl khaw pawn team pahnihte final a an intum hmasak ber tum a ni a. Hei hi final boruak tilian leh zualtu niin a hriat. Tualchhung inelna ropui ber a ni satliah lova, Lammuala inkhel entu tam ber record thar a ni tel hial bawk.
May ni 13, 2014 khan German club TSG 1899 Hoffenheim chuan Mizoram an rawn tlawh teh nawlh a. AR Lammualah Mizoram XI te nen friendly match an khel. Hoffenheim lakah si thum faia Mizoram XI an tlawm tum hian inkhel entu an thahnem hle a. Inkhel entu hi 11,000 chuang nia chhut a ni. Hoffenheim tan hian tuna Liverpool leh Brazil forward pawimawh ni mek Roberto Firmino hi a inlan a, mipui lawm a hlawh hle. TSG 1899 Hoffenheim leh Mizoram XI te inkhel kha Lammuala inkhel entu tam ber tum anga ngaih a ni a. Khami tum ai khan Mizo World Cup final entu kha an tam z^wk hle nia ngaih a ni ve leh thung.
Mizo World Cup’ boruak tilian em emtu chu Sialhawk an ni a tih theih a. Au hla dangdai tak ‘Unji Lasi’ an chinchhuah bakah thingtlang khua, khawlian tak pawh ni lem lova ngaihin final an thleng nawlh mai kha ngaihven loh theih loh a ni a. Mizorama football hmasawnna khairualzia lanchhuahna a nih bawk av^ngin football hmangaihtute tan hlim leh lawm loh theih a ni lo. Mipui tan rawn Sialhawk av^ngin final boruak a lian sa a, final-ah ball thiam rual, game mawi tak lantir a, entute mit titlai thin Champhai Kanan an luh bawk vangin pem khawm khawpui Aizawla mipui tam tak an phur a. Aizawl khawpawn khua zawng zawngte an phur leh zual a, final boruak chu a alhin a alh chhuak ta a ni ber mai. Tualchhung football chuan par a chhuang thar leh ta hial a ni. Tualchhung football-in hun ropui a tawn chang apiangin ‘khami tum kha a tluk ang em le’ tiin July ni 19 a inkhel ropui hian khaikhin a hlawh kumkhua tawhin a rinawm. ‘July ni 19, 2022 a Lammualah ngei kan ‘Unji Lasi’ kha chhuan kal zelah pawh intihtheihna tham ala ni ngei ang.
Ram pum huap khua leh vengte inelna lian berah Aizawl khaw pawn team ve vein final an khel nawlh hian ngaihven a hlawh a, football ropuina a tihlan laiin a chhan dap kual tawk an awm ve teuh thung a. “Aizawl chuan Futsal an uar lutuk a, football-ah an tlakhniam phah’ tih ngaihdan thar a pianchhuah phah. He ngaihdan hi ngaihdan awm thei, chhuidawn theih tak a nih laiin infiammna thuthar ziaktute chuan an pawmpui lem lo thung a. Futsal hian thiamna (skills) sang zawk a neihtir a ngaihna a awm hial zawk. Infiamna thuthar ziak a, thehdarh thintu tam zawk chuan Covid 19-in Aizawl a tihbuai nasat bik vangah an ngai ve thung.
Kum 2020 kum tir lam atang khan Covid 19 hripuiin min tibuai tan a. March ni 22 atangin Mizoram-ah Partial Lockdown puan a ni a. March ni 23 atangin India ram puma hman tur ‘Janata Curfew’ hman chhunzawm a ni zui nghal bawk. Heta tang hian hun rei tak chhung chu kan inkhuahkhirh a. Infiamna zawng zawng a chawl thuap a, khawvel pumah infiamna neih theih a ni lova, infiamna chanchin ziaktute tan pawh ziah tur reng reng a awm lo. Boruak thian chang awm mahse infiamna lian tham neih theih a ni tak tak chuang lo thung. Inkhuakhirhnaah hian pungkhawm thei chin bituk a awm zel vangin kum hnih chuang zet chu football phei chu khelh hleih theih a ni lo va, inelna phei chu neih theih loh ang bur a ni.
Inkhuahkhirhna hian Mizoram pum huap chang nei bawk mahse hriin a tihbuai loh Aizawl khaw pawn lam chu an zalen hma zel thung. Aizawl khaw pawn lam hi inkhuahkhirhnain a huam vek lohte an neih thin vangin football an khel thei hma bik a, inelna pawh an nei hma thei bik bawk. Mizo World Cup-a champion Champhai Kanan kha MFA Cup champion an ni a. Champhai Distric Inter Village football inelna hmachhawn hlimhlawl an ni bawk. Chutiang zelin final-a vanduai ta zawk Sialhawk pawh Tuichangral champion an ni a, Khawhai Zone inelna an hmachhawnna pawh rei a la ni lo leh zel bawk. Chutiang a nih av^ng chuan Futsal vang ni lovin, match fitness neih that loh av^ng zawka Aizawl veng hrang hrangte final lut zo ta lo ni ta zawkah a ngaih theih.
Aizawl chhunga veng leh veng te final-ah intum ta se ‘Mizo World Cup’ tih hming pu turin ngaihhlut a hlawh kher ang em? Sialhawk kha thleng s^ng lo ta se kan ‘Unji Lasi’ kher ang em? Kher lo ang. ‘Mizo World Cup’ leh ‘Unji Lasi’ hi kawp tura duan a ni mai lo maw? Tualchhung football ropui thar lehna chu Aizawl khaw pawn team te an che tha tlang kha a ni a. ‘Mizo World Cup’ ti World Cup leh zual turin hawh u, Aizawl khaw pawn khuaten tan la ila, i chetha zel teh ang u!