Laptop, tablet, PC te India-a chawkluh khap

India chuan ram chhunga siamchhuah a tama tihpun a nih theih nan ram dang a\anga laptop, tablet leh personal computer chawkluh a khuahkhirh.
“Ram danga lakluh a awm dawn a nih chuan restricted import hnuaiah valid license nei te chauhin an kalpui thei ang” tiin sorkar thuchhuah chuan a tarlang.
April-June inkar khan electronics imports heng laptop, tablet leh personal computer te chu $19.7 billion lawih niin kum khat chhunga a punna chu 6.35% a ni a. Electronics imports hi India-in merchandise import a neih a\anga 7% a\anga 10% vel lai hauh a ni.
“He hmalakna hi India ram chhunga siamchhuah tihpun a nih theih nan a ni a. Innamna ni lovin zawi te a innawrna zawk a ni” tiin Ali Akhtar Jafri, director general, electronics industry body MAIT chuan a sawi.
India chuan local manufacturing tihchangtlun a nih theih nan sector hrang hrang electronics pawh telin production-linked incentives a pe a.
IT hardware manufacturing heng laptops, tablets leh personal computers leh server te siamchhuak tute hnenah investment liantham a awm theih nan $ 2 billion manufacturing investment a dah hial a ni.
He incentive scheme hi India-in global electronics supply chain a global powerhouse nih tuma a beihna niin India chuan kum 2026 ah $ 300 billion annual production neih hma tumin bituk a siam a ni.
Indian market-a an thil siam chhuah hralh hnem ber ber te chu Dell, Acer, Samsung, LG Electronics, Apple Inc, Lenovo leh HP Ince te an ni a. A tam ber chu China ram a\anga chawkluh an ni hlawm a.
Sorkar hmalakna avang hian Indian electronic maker Dixon technologies te share chu 5% in a pung nghal a. Sorkar hmalakna hi bungrua \henkhatte nasa taka ram dang a\anga chawkluh te tihtawp nana hmalakna a ni, tiin Madhavi Arora, Emkay Global a economist chuan a sawi.
Laptops, tablets leh personal computers te hian India-in kum khata ram dang a\anga chawkluh a neih a\angin 1.5% lai an hauh a, a tam ber te chu China a\anga chawkluh a ni tiin government data chuan a tarlang.
India hian ram chhunga siamchhuah tihpun a nih theih nan mobile phone angah te chhiah sang tak a la a. Nikum khan India ramah mobile phone $38 billion hu siamchhuah a nih laiin laptops leh tablets te chu $4 billion hu vel chauh siam chhuah niin Industry body India Cellular and Electronics Association te chuan an sawi.