Larsap leh supply minister-in oil depot sawi dun

Larsap leh supply minister-in oil depot sawi dun
Nimin khan Food Civil Supply & Consumer Affairs (FCS&CA) minister B Lalchhanzova chuan Lengpui Airport lounge-ah Mizorama oil depot din chungchang Governor VK Singh a sawipui.
B Lalchhanzova chuan Mizoramin oil depot a mamawhnate sawiin, theihtawp chhuahpui turin a ngen a, “Oil depot hmun tur hi IOCL chuan hmun hnihah en an nei tawh a. Oil depot neih ngei kan mamawh vangin theihtawp sorkar chuan a chhuah,” a ti a, oil depot nei tura an hmalak tawhna hrang hrang a hrilh.
Governor chuan oil depot chungchang hi sorkar laipui a sawpui tawh thu sawiin, “Oil depot dinna hmun tur Sairang Railways Station bulah in neih phawt a ngai. Oil depot dinna atan IOCL chuan cheng vbc tam tak an seng dawn a, ram manah chuan sen an duh lo. Sorkar ram in ngaihven a ngai, chumi hmang chuan hmalak zel theih a ni ang,” a ti.
FCSCA secretary Teresy Vanlalhruaii chuan oil depot nei tura ministry bultuma IOCL-te nen December, 2026 a Delhi-a an thurelte Governor hi a hrilh.
Governor leh FCS&CA Minister hian remchang hmasaah oil depot chungchang hi Aizawlah an sawiho leh dawn a, Mizoramin oil depot a neih ngei theihna atan theihtawp chhuah zui zel an tum.