Last 8 lut Bopanna-Ebden

He thu buatsaih lai thleng hian US Open kal laia Indian beiseina a la nung zel a, Pathianni khan Rohan Bopanna leh a Australian partner Matthew Ebden tangdun chuan men’s doubles quarter-final lut turin Julian Cash leh Henry Patten inkawp lakah 6-4, 6-7 (5), 7-6 (10-6) hnehna an chang.
Sixth seeded Indo-Australian pair hian Arthur Ashe Stadium-a third round match-ah British pair Cash leh Patten hi darkar hnih leh minute 22 chhungin an hneh a, ace tum 13 vawchhuakin, an first-serve point hmuh chu 81 per cent zet a ni.
Bopanna leh Ebden thawkdun hian kumin kumtir lam khan Wim-bledon semi-final pawh an lo lut dun tawh a, an tum leh tur hi top seeds Wesley Koolhof of Netherlands leh United Kingdom mi Neal Skupski tangdun leh tualchhung pair Na-thaniel Lammons & Jackson Withrow in-khela chak zawk zawk an ni ang.
Yuki Bhambri leh Saketh Myneni inkawpin first round an paltlang zawh loh avangin kum 43 mi Bopanna hi men’s doubles event-a Indian awmchhun a ni tawh.
Bopanna hi mixed doubles event lamah pawh chhuak rtho mah se a tla fel tawh a ni.