Last eight lut Indian boxer pahnih
Uzbekistan khawpui Tashkent-a mipa boxing world championship khelh mekah nimin khan Indian boxer pahnih Deepak Bhoria (51kg) leh Nishant Dev (71kg)-te chuan nuamsaa an tumpui ve ve hnehin quarter-final an lut.
51kg Olympic category-a chhuak Deepak hian round of 16 bout-ah 5-0 unanimous decision hmangin Chinese boxer Zhangh Jiamao a sawp a; 71kg last 16 contest lamah Nishant chuan chiang lehzuala hnehna changin, a tumpui Palestine mi Foqahaa Nidal chua first-round RSC (referee stops the contest) hmangin a nawp ve bawk.
Indian southpaw Nishant hian RSC hmanga hnehna chang turin hruihrual chhungah minute hnih pawh hun a hmang tling lo a, a elpui a sawisa rethei lutuk tur dangin referee a inrawlh thuai a, darin chak zawk a hril chiang nghal.
Indian boxing-a thawhhlawk state Haryana boxer tha Deepak hian Pathianni khan he tournament kal laia inlehthalna lian ber la ni mek thlentir tawh bawkin, Tokyo Olympics bronze medallist leh 2021 world champion ni bawk Saken Bibossinov of Kazakhstan a hneh nawlh!
Kum 25 mi hi Tashkent pan tura World Championship silver medallist Amit Panghal aia thlanchhuah niin, he thu buatsaih lai thlenga bout thum a zawh fel tawhah mittlung tak vekin a inlan a, Panghal aia an thurchhuak kha selector-te an la inchhir lo tluang zel ang!
Nizan pre-quarterfinal bout dang Indian boxer inlan dang Sachin Siwach (54kg) leh Akash Sangwan (67 kg)-te dinhmun erawh tarlan hman a ni lo.
Last eight lut Indian boxer pahnih
Get real time updates directly on you device, subscribe now.
Next Post